GMA Brandtalk
Tracking
Archives
Kapuso stars, programs win in 2016 PMPC Star Awards for Music and TV
Kabilang ang ilang artista at programang Kapuso sa mga nagwagi sa naganap na 30th PMPC Star Awards for Music and TV nitong Linggo, October 23.
Itinanghal na Best Morning Show ang “Unang Hirit,” na magdiriwang ng kanilang ika-17 na anibersaryo ngayong taon.
“Sa December kasi, 17 years na ang Unang Hirit. Seventeen years na tayong maagang gumigising para maghatid ng mga balita, information, anything relevant para sa mga gumigising bago umalis ng bahay,” ayon sa executive producer na si Mon Torres.
Dagdag pa niya, “'Yung mga award na ito, parang reminder na dapat hindi tayo maging complacent sa mga ginagawa natin, dapat lagi tayong may bago na maibibigay sa kanila.”
Mga Kapuso, itinanghal ang ating programa bilang 'Best Morning Show' sa katatapos lang na PMPC Star Awards! Maraming salamat po! pic.twitter.com/SFKRsawzqg
— Unang Hirit (@UnangHirit) October 24, 2016
Pinarangalan rin ang “24 Oras” bilang Best News Program, habang Best Female Newscaster naman ang anchor nito na si Vicky Morales.
Best Talent Search Program naman ang “Starstruck Season 6,” Best Game Show ang “Wowowin,” Best Comedy Show ang “Pepito Manaloto,” at “Best Variety Show ang “Sunday Pinasaya.”
Napanalunan rin ng “Biyahe ni Drew” ang Best Travel Show award, habang Best Travel Show Host si Drew Arellano. Best Documentary Program naman ang “Reel Time,” at Best Documentary Program Host si Malou Mangahas ng “Investigative Documentaries” at Best Lifestyle Show Host si Ricky Reyes para sa “Gandang Ricky Reyes.”
Binigyang-pugay rin ang ilang Kapuso stars, kabilang na ang Pambansang Bae na si Alden Richards na nagwagi bilang Best Male Pop Artist at nasungkit rin ang Pop Album of the Year para sa “Wish I May,” at ang Top One Project (TOP) na itinanghal bilang Duo/Group Artist of the Year.
New Male Recording Artist naman si Derrick Monasterio, habang nakuha ni Kristoffer Martin ang Best Single Performance by an Actor para sa “Magpakailanman” episode na “Mag-ama sa Bilangguan.”
A photo posted by GMA Artist Center (@artistcenter) on
Ayon kay Kristoffer, “Maraming maraming maraming salamat po sa parangal na 'to. This will serve as an inspiration for me to always improve my craft.”
“Thank you GMA, GMA Artist Center, and to the production of 'Magpakailanman.' Thank you also to my supporters and sa ever supportive kong parents. Para po sa inyong lahat ito. Salamat Panginoon,” aniya pa.
Nagwagi naman bilang Best New TV Male Personality si Jake Ejercito, habang nasungkit ni Sunshine Dizon ang Best Supporting Actress para sa GMA Primetime series na “Little Nanay.”
Kasama ni Sunshine na tumanggap ng kaniyang parangal ang anak na si Tony Boy.
#pmpcstarawards #bestsupportingactress #showsomeppllove #pplartist #chinadollandtonyboy
A photo posted by Miss Sunshine Dizon (@m_sunshinedizon) on
Hindi rin nagpahuli ang batikang komedyante na si Jose Manalo, na itinanghal bilang Best Comedy Actor, at si Manilyn Reynes na Best Comedy Actress naman.
“Maraming salamat, PMPC! Hindi ko naisip na (mananalo pa ako) dahil napakarami nang komedyante ngayon,” ayon kay Jose sa kaniyang speech.
Napanalunan naman ni Jennylyn Mercado ang Best Drama Actress para sa kaniyang pagganap sa "My Faithful Husband." —Bianca Rose Dabu/KG, GMA News
