Tom Rodriguez, Martin del Rosario undergo voluntary drug testing

Parami nang parami ang mga artista na sumasailalim sa voluntary drug testing kasabay ng kampanya ng gobyerno kontra ilegal na droga.

Nitong mga nakaraang araw, ibinahagi ng Kapuso stars na sina Tom Rodriguez at Martin del Rosario ang resulta ng kani-kanilang drug tests.

Makikita sa post ng talent manager na si Popoy Caritativo na negatibo si Tom sa cocaine, ecstasy, methamphetamine, opium, at tetrahydrocannabinol.

Isinagawa ang drug test sa Hi-Precision Diagnostics Plau clinic sa Makati.

“In our efforts to show support for the government's campaign against illegal drugs, Luminary Talent Management has taken the initiative to have our talents tested,” ayon kay Popoy.

Tulad ni Tom, sumailalim na rin sa drug test ang ilan pang talents ng Luminary Talent Management, kabilang na ang Kapuso actors na sina Rafael Rosell at Dennis Trillo.

 

A photo posted by popoycaritativo (@popoycaritativo) on

Oct 29, 2016 at 5:29am PDT

Nag-negatibo naman si Martin sa methamphetamine, tetrahydrocannabinol, benzodiazepines, barbiturates, opiates, cocaine, at ecstasy.

 

Clear on all 7 ???? #drugtest

A photo posted by Martin Del Rosario (@martinmiguelmdelrosario) on

Oct 26, 2016 at 9:35pm PDT

Nitong mga nakaraang linggo, ibinahagi na rin ng ilang Kapuso artists ang kani-kanilang drug test results, kabilang na sina Solenn Heussaff, Mark Herras, at Aljur Abrenica.

“I have nothing to be afraid of. I know myself. So I just did it para they know... Lagi lang akong nasa bahay, nagpe-paint!" ayon kay Solenn sa naunang panayam.

Pahayag naman ni Aljur, “This is to signify my support for a Drug-Free Philippines. I'm proud to be high on life not on drugs.” — RSJ, GMA News