‘Destined to be Yours’ nina Alden at Maine isa sa mga aabangang Kapuso shows sa 2017

Tiyak na kikiligin ang mga Kapuso televiewers sa seryeng unang pagbibidahan nila Alden Richards at Maine Mendoza, ang "Destined to be Yours" na ipapalabas sa darating na 2017.

Ang teaser ng "Destined to be Yours" ay kabilang sa tatlong trailer na unang ipinalabas sa "24 Oras" nitong Biyernes.

Kasama rito ang "Meant to Be" na pangungunahan ni Barbie Forteza at ng kanyang apat na leading man na sina Jak Roberto, Ivan Dorschner, Addy Raj at Ken Chan.

Ipinakita rin ang teaser ng Pinoy version ng Korean romantic comedy na "My Love from the Star" nina Ultimate Star Jennylyn Mercado at ang bagong leading man na si Gil Cuerva. —NB, GMA News