Dennis Trillo starts taping for ‘Mulawin vs. Ravena’

Inaabangan na ng marami ang pagpapalabas ng Kapuso fantasy series na “Mulawin vs. Ravena,” isa sa pinakamalaking produksiyon ng GMA Network ngayong 2017.

Kabilang sa mga bibida rito ang Kapuso actor na si Dennis Trillo, na kabilang rin sa mga nagbigay-buhay sa  iconic 2004 Kapuso telefantasya na “Mulawin.”

Nitong Lunes, ipinasilip na ni Dennis ang isang larawan mula sa taping ng upcoming serye.

Kaakibat ng larawan ang isang quote mula librong “Into The Wild,” kung saan idinetalye ang buhay ng American hiker at traveler na si Christopher McCandless.

“'The joy of life comes from our encounters with new experiences, and hence there is no greater joy than to have an endlessly changing horizon, for each day to have a new and different sun,.' - Christopher McCandless, 'Into The Wild,'” ayon kay Dennis.

 

The joy of life comes from our encounters with new experiences, and hence there is no greater joy than to have an endlessly changing horizon, for each day to have a new and different sun -Christopher McCandless, Into the Wild #mulawinvsravena ????????

A post shared by Dennis Trillo (@dennistrillo) on

Mar 19, 2017 at 8:01pm PDT

Bukod kay Dennis, nagsimula na ring mag-taping para sa “Mulawin vs. Ravena” si Heart Evangelista, na magbibigay-buhay umano sa isang “character from the past.”

 

First day taping tomorrow! Abangan!???????? #mulawinvsravena #GMA7

A post shared by Love Marie Ongpauco Escudero (@iamhearte) on

Mar 16, 2017 at 4:53am PDT

Kasama rin sa mga bibida sa "Mulawin vs. Ravena" sina TJ Trinidad, Regine Velasquez, Miguel Tanfelix, Bianca Umali, Wyn Marquez, Derrick Monasterio, Bea Binene, Chynna Ortaleza, at marami pang iba.

Inaasahang ipapalabas ang nasabing programa sa GMA Primetime series ngayong 2017. — RSJ, GMA News