Kim Domingo, nakipagsabayan sa pagrampa kay ‘Catwalk King’ Sinon Loresca

Hindi nagpahuli ang Kapuso sexy actress at “D' Originals” star na si Kim Domingo sa pagrampa nang makasama niya ang “Eat Bulaga!” Dabarkads at tinaguriang “Catwalk King” na si Sinon Loresca.

Sa isang Instagram post nitong Lunes, ipinasilip ni Sinon ang nakakatuwang bonding moment nila ng aktres.

Aniya, “FHM Model Kim Domingo and The King of Catwalk together in one video!”

Suot ni Sinon ang kaniyang signature 6-inch heels, habang nagpakitang-gilas naman si Kim suot ang isang sexy black one-piece bikini.

“Laban!” ang sigaw ng “Catwalk King” habang rumarampa kasabay ang Kapuso “Pantasya ng Bayan.”

 

A post shared by ????????The KING OF CATWALK (@sinonloresca) on

Mar 26, 2017 at 10:23pm PDT

Mapapanood si Kim sa upcoming Kapuso comedy series na “D' Originals” kasama sina LJ Reyes, Katrina Halili, Jaclyn Jose, Mark Herras, Archie Alemania, Jestoni Alarcon, at marami pang iba. 

Kabilang naman si Sinon sa mga nakatakdang gumanap sa GMA Afternoon Prime series na “Impostora,” kung saan bibida ang aktres na si Kris Bernal. — RSJ, GMA News