Bossing sa no-reaction ni Baby Tali: ‘Hangang-hanga siya sa’kin!’

Hindi ikinatampo ni Bossing Vic Sotto ang tila “no reaction” ng kaniyang anak na si baby Tali matapos niya itong kantahan gamit ang ukulele.

Paliwanag ni Bossing, no reaction lamang si baby Tali dahil manghang-mangha ito sa kaniya.

“Aba! Hangang-hanga siya sa’kin! Nakanganga lang ‘yun, nakaganu’n oh. Tapos nu’ng pagkakanta ko hinawakan niya ‘yung mukha ko,” sabi ni Bossing Vic nang makapanayam ng GMA News Online nitong Sabado.

Sa Instagram ng asawa niyang si Pauleen Luna, makikitang walang imik si Tali habang kinakantahan siya ni Daddy Vic ng “Sho-Jo-Ji.”

 

Tali enjoying Da-Dee’s version of Sho-Jo-Ji ???? Feel na feel! Relaxed na relaxed ♥? Tali be like “ANO DAW?” ????

A post shared by Marie Pauleen Luna- Sotto (@pauleenlunasotto) on

Jul 25, 2018 at 2:24am PDT

“Parati kong kinakantahan ‘yun,” kuwento ni Bossing Vic.

Taliwas sa kaniyang no-reaction sa video, lagi naman daw nagre-react si Baby Tali ngayong lumalaki na siya.

“Oo, she’s beginning to react to everything eh, ‘pag kinantahan mo siya, kapag kinausap mo, pagka ginulat mo, binulaga mo, very receptive na siya,” sabi pa ni Bossing.

Nakausap ng GMA News Online si Bossing Vic sa story conference ng pagbibidahan niyang movie kasama si Maine Mendoza. Ito ang kanilang magiging entry sa Metro Manila Film Festival ngayong taon.

“Tulad ng sinasabi ng title, ‘Jack Em Poy: The Pulis Credibles,’ it’s a good story of policemen,” sabi ni Bossing. — DVM, GMA News