PEP: Complete cast of Luna Mystica revealed

At press time, kasalukuyang isinasagawa ang story conference ng upcoming primetime series ng GMA-7 na Luna Mystica, na magiging kapalit ng Codename: Asero ni Richard Gutierrez. Sa Max's restaurant sa may Roces Avenue, Quezon City isinasagawa ang story conference. Sa payo na rin ng GMA-7 management, hindi na muna nag-anyaya ng entertainment press dahil "too early" pa raw. Ang Luna Mystica ay mula sa pamumuno ni Ramel David na tatayong production manager at si Edlyn Tallada ang executive producer. Sina Mike Tuviera at Gil Tejada ang mga direktor ng serye at head writer si RJ Nuevas. Original story ang Luna Mystica; hindi remake o galing sa comics. Si Heart Evangelista ang nasa title role at tatlo ang partners niya rito—sina Mark Anthony Fernandez, Luis Alandy, at si Mark Herras in a special role. Kasama rin sa cast sina Sheryl Cruz sa kanyang pagbabalik-GMA-7, Eddie Gutierrez, Rita Avila, Ariel Rivera, Gardo Versoza, Beth Tamayo, Chanda Romero, Kris Bernal, Aljur Abrenica, Mosang, Pauleen Luna, Michelle Madrigal, Marky Lopez, Romnick Sarmenta, at Paulo Avelino. Makakasama na rin sa cast sina John "Sweet" Lapus, Hero Angeles, Bearwin Meily, at isa sa mga lalaking castaway ng Survivor Philippines. Hindi pa puwedeng maisulat kung sino ang naturang castaway dahil hindi pa siya natatanggal sa reality show hosted by Paolo Bediones as of this writing. Sa Friday, October 24, na ang first taping day ng Luna Mystica. - Philippine Entertainment Portal