Kris Aquino's camp issues statement refuting breach of James Yap's visitation rights

 

Sinagot na ng kampo ni Kris Aquino ang pahayag ng abugado ni James Yap, si Atty. Lorna Kapunan, na hindi diumano tinutupad ng TV host-actress ang visitation rights ng basketbolista sa anak nilang si Bimby.

Sa statement na ipinadala ng abogado ni Kris na si Atty. Sigfrid Fortun kay MJ Marfori ng News5 nitong Lunes ng hapon, November 4, sinabi nitong ipinag-utos daw ng korte na susunduin ni James si Bimby. Pero wala raw natatanggap na mensahe si Kris mula kay James tungkol sa usaping ito.

Sinusunod din daw ni Kris ang lahat ng nakasaad sa court order.

Wala raw intensiyong suwayin ang korte at pagdamutan ang dating asawa na makasama ang kanilang anak.

Narito ang buong pahayag ni Atty. Fortun:

“The court order on visitation requires James to fetch Bimby in his residence.

"Kris has been waiting for James to tell her what time he is fetching their son.

“She has received no messages from James to this effect.

"Kris is compliant with all court orders relating to visitation and she has no intention of violating those or depriving James of his right to be with his son.”

Ina rito, sinabi ng kampo ni James hindi raw sinusunod ni Kris ang visitation rights na ibinigay ng korte sa basketbolista para sa anak nilang si Bimby.

Dahil may  gag order tungkol sa isyu, tumanggi si Kapunan na magbigay ng detalye pero umaapela siya kay Kris na sundin daw sana ang utos ng korte tungkol sa visitation rights ng kaniyang kliyenteng si James. -- Arniel C. Serato, PEP