Donita Rose in first kontrabida role ever in 'Let the Love Begin'

Pinakaunang drama series ni Donita Rose ang Let The Love Begin ng GMA Network. Ang huli niyang ginawang proyekto ay ang morning talk show na Basta Everybody Happy na nagtapos nitong Enero.

Sabi ni Donita, “This is my first soap. Ayoko talaga ng drama dati, e. Well, before, siyempre nakagawa ako ng thirty-six movies in my younger days. My last movie was Nine Mornings with Piolo Pascual in 2003."

“Tapos, yun yung time na nasa MTV ako and, you know, I started being acknowledged more as a TV host and focusing on comedy, kasi yung Ober Da Bakod dati. And then it kinda evolved into more of light entertainment."

"When I was sixteen, I did an acting workshop and pinapaiyak nila ako. Siyempre, wala pang pinagdaanan sa buhay, e, so medyo na-trauma ako sa workshop. And then, after that, I didn’t really wanna do drama anymore.”

Baptism of fire

Kahit ayaw sana ni Donita ng drama series ay tinanggap niya ang Let The Love Begin dahil nasa show rin ang matalik niyang kaibigan na si Gladys Reyes, na kasama rin niya dati sa Basta Everyday Happy.

“When the role was offered to me, I was in shock and I thought, ‘You know what, I want to be challenged with something new. Let’s do it!’ So, kinakabahan ako, hindi ko lang pinapakita sa kanila. Pero I’m so scared out of my wits! I don’t know, parang I should do workshops."

Pero sa trailer ng Let The Love Begin ay maganda ang acting na ipinakita ni Donita, lalo na sa eksenang nakunan siya.

“Ang sabi nga nila sa akin, light drama. Light drama nga... first scene ko, nag-away kaming mag-asawa, nakunan ako, first day taping!” at natawa si Donita.

“Nakunan ako, inilibing yung anak ko, sabi ko, ‘Light drama ba ito?’

“But so far, by the grace of God, I’ve been able to survive so far and I think it’s starting to build up my confidence again in acting. So, okay naman.”

First kontrabida role

Unang kontrabida role ever ni Donita ang papel niya bilang Celeste sa Let the Love Begin.

“Mahihirapan ako! I told Ms. Ai-Ai, sabi ko, ‘Ms. Ai-Ai, hindi ko alam kung papaano kita aawayin!’ Pero sabi niya, ‘Kaya mo 'yan, 'day!’ So okay! We know naman that this is a role that we’re playing, 'di ba?"

“Then, I think people will see na there’s so much to me than just being a TV host or a chef or a... you know, actress; that I can do deeper roles,” pahayag niya.

For the full story, visit PEP.