Kris clarifies past relationship with Herbert: 'We were never lovers, nothing happened'

Bibida ang TV host-actress at presidential sister na si Kris Aquino at Quezon City Mayor Herbert Bautista sa isang pelikulang pangungunahan ni Antoinette Jadaone, direktor ng hit movie na "That Thing Called Tadhana."

Ngayon pa lamang ay binansagan na ng mga tagahanga nila at ng ilang netizens ang kanilang loveteam na "KrisTek," o si Kris at si Mayor Bistek, ang nickname ng marami sa mayor ng QC.

Ayon sa tinaguriang Queen of All Media, “Siguro kung a year ago, hindi natin iisipin na mangyayari ito. Tinanggap ko kasi I’ve never done something like this. Lahat ng projects ko, I’ve never been able to do a full-length romance. Sa edad ba naman namin, aakalain pa ba namin na merong adult romance na puwedeng maganap?”

Dagdag pa ng 44-year-old TV host-actress, “Why not, ‘di ba? Oo, kasi kung sa personal na buhay, hindi ko ito gagawin. Dahil baka naman every day, after shooting, umuuwi akong umiiyak."

“Pero ngayon, excited ako dahil every day, after shooting, feeling ko nakatawa na ako. It’s a fun story. It’s a happy story na kahit ano, mga kids, age ko… lahat, parang maka-capture niya ang lahat ng age.”

Mariin namang niinaw si Kris sa sapantaha ng marami sa naging relasyon sila ng actor-politician.

Sabi niya hinggil sa mga bali-balitang nagkaroon sila ng relasyon, “We were never lovers po. I will just clarify that nothing ever happened. Clarification, nothing happened."

Matapos nito, agad niyang ibinalik ang usapan sa pagbibidahan niyang pelikula, kung saan makakasama niya ang anak na si Bimby Yap.

“The story will be told to the eyes of our children. And obviously in this movie, ang anak ko would be Bimby [Kris’s real-life son]. And ang daughter niya [Herbert] dito… he will have two daughters," kwento ni Kris.

Dagdag pa niya tungkol sa pelikula, "It’s something that we are all looking forward to doing.” -- PEP

For the full story, visit PEP.