Gwen Zamora admits relationship with Jeremy Marquez

Naging bukas na ang Kapuso star na si Gwen Zamora tungkol sa bago niyang relasyon.

Kamakailan lang ay napabalitang break na si Gwen at si Raymund Romualdez, anak ni Tacloban Mayor Alfred Romualdez, at itinanggi rin noon ng aktres na may bago na siyang boyfriend.

Pero sa presscon ng bago niyang teleserye sa GMA Network, ang My Mother's Secret, kahapon, May 19, binawi ni Gwen ang una niyang naging pahayag.

Natatawang pag-amin niya, “Meron na nun!”

Inamin din ni Gwen na ang bago niyang boyfriend ay si Jeremy Marquez, anak ni Joey Marquez at dati ring sumabak sa showbiz.

Sa kasalukuyan ay nanunungkulan si Jeremy bilang barangay chairman sa BF Homes Parañaque.

Ayon kay Gwen, magta-tatlong buwan na ang relasyon nila ni Jeremy at masaya siya sa nangyayari sa kanila.

Tinanong ng PEP.ph (Philippine Entertainment Portal) kay Gwen kung matagal na ba silang hiwalay ng ex-boyfriend niya bago naging sila ni Jeremy.

“Yes,” mabilis niyang sagot.

“We were on a break for about five to six months.

"Hindi lang namin sinabi sa public that we weren’t together, kasi we also didn’t know yung ganun."

Malinaw raw na hindi rebound ang relasyon nila ngayon ni Jeremy.

Sabi ni Gwen, “I don’t believe in rebound.

"I’m not the type to go out with someone without foreseeing a future.

“Hindi ko kayang… I cannot be with someone if I cannot see a future with this person.” -- PEP

For the full story, visit PEP.