Tom Rodriguez ‘very happy’ with relationship with Carla Abellana

Sina Tom Rodriguez at Megan Young ang magkapareha sa remake ng Marimar.

 

Ngunit hindi naman kaila sa marami na sa totoong buhay ay nauugnay sila sa iba—si Tom kay Carla Abellana at si Megan kay Mikael Daez.

 

Tinanong ng PEP.ph (Philippine Entertainment Portal) si Tom kung sagabal ba sa posibilidad na magka-debelopan sila ni Megan ang pagkakaroon nila ng special someone.

 

Ito ay sa kabila ng pare-pareho silang hindi pa umaamin sa tunay na estado ng kanilang relasyon.

 

Pahayag ni Tom, “Whoever makes us happy, I think, are very understanding and very professional as well.

 

"So I think there’s no need to be worried when it comes to that."

 

Natuwa pa nga raw si Carla nang nalaman nitong si Tom ang gaganap na Sergio.

 

Ayon sa Kapuso actor, "She even shared her sentiments when she starred in another Mexican telenovela, Rosalinda."

 

Marami raw siyang natutunang tips tungkol sa acting kay Carla.

 

Maliban dito, kaibigan daw ni Tom si Mikael, na nakasama niya noon sa pelikulang Temptation Island (2011).

 

“Mikael is one of my good friends here,” sabi ni Tom.

 

Napag-usapan daw nila ang pagtatambal nina Tom at Megan sa Marimar.

 

“He expressed his support to me, and I’m very happy that he is very happy for me.”

Real score

 

Sila pa ba ni Carla hanggang ngayon?

 

Natatawang sagot ni Tom, “Let’s just say that I’m happy. I’m very, very happy.” —PEP

 

 

For the full story, visit PEP.