AiAi delas Alas thankful for revitalized career and blooming love life

(Photo: Borrowed from Ai-Ai delas Alas's Instagram account)

Marami ang tila nais ipagpasalamat ni Ai-Ai delas Alas sa kanyang ika-51 kaarawan noong November 11.

Sa kanyang Instagram account nitong Huwebes, November 12, nag-post ang Comedy Queen ng larawan ng isang kuwintas na may nakalagay na “Gerald-Martina.”

Si Gerald Sibayan ang kasalukuyang boyfriend ng Kapuso star.

Sabi niya sa caption: “MARAMING MARAMING SALAMAT PO FATHER GOD FOR THE GIFT OF LIFE ...

“Yes lahat po ng miracle sa buhay ko ay naibigay nyo na.... kagaya din po ng lahat ng mga pagsubok na nadaanan ko sa buhay...

"Salamat po sa pag mamahal ng anak ko sa akin... Mga kaibigang hindi ako iniwan sa pagsubok, ang aking malusog na katawan...”

Kasunod namang ipinagpasalamat ni Ai-Ai ang muling pamamayagpag ng kanyang karera at ang pagkakaroon ng masayang buhay pag-ibig.

Dagdag pa niya: “Ang pagbangon ko sa aking career at HIGIT SA LAHAT SALAMAT SA PAGBIBIGAY NYO SA AKIN KAY GERALD...mabait mapagmahal at higit sa lahat ay ibinibigay ang lahat ng makakapagpasaya sa akin…

“Naluluha ako pag binibigyan nya ko ng mamahaling regalo kasi naiisip ko d sya kumakain makaipon lang sya ng pera para mabili to... ( pero sabi naman nya kumakain naman daw sya .. Sya pa ba? Hahaha) bumalik tuloy ang luha ko pataas...”

Dasal naman ni Ai-Ai patuloy pang makapagpasaya ng mga tao at hindi mawalan ng kinang ang kanyang komedya.

“Basta LORD AND MAMA. MARY thank you sa lahat at hindi nyo ako pinapabayaan sana ay wag maubos ang magic na ibinigay nyo sa akin upang makapagpaligaya ako ng tao...

"Lalo na ngayung masaya ako sa lahat ng aspeto ng buhay ko sana ay maibahagi ko ang kaligayahang ito sa maraming tao...

"TO GOD BE THE GLORY... HE IS MY KING!! Salamat po amen💚ðŸ™ÂðŸŒ»---- and SAYO AKING DARLING BEBE MARAMING SALAMAT SA GIFT 😄😢😄😢( bipolar lang) i love you so much ... @gerald_sibayan.” -- For more  showbiz story, visit PEP.