Ano ang masasabi ni Bea Binene sa rumored girlfriend ngayon ni Jake Vargas?

Hindi raw apektado si Bea Binene sa balitang may bago nang girlfriend ang kanyang ex-boyfriend na si Jake Vargas.

Last week ay naging viral sa social media ang Instagram post ni Jake kung saan kasama niya ang isang non-showbiz girl sa loob ng isang sasakyan.

 

You are the reason I smiled Again????????????

A photo posted by Jhake Angelo Vargas (@imjhakevargas) on

Feb 18, 2016 at 6:40am PST

Napag-alaman ng PEP.ph (Philippine Entertainment Portal) na ang pangalan ng kasamang babae ni Jake sa naturang larawan ay Cello Mendoza.

Si Cello ang pinaniniwalaang girlfriend ngayon ni Jake.

Sa presscon ng bagong afternoon soap ni Bea sa GMA Network, ang Hanggang Makita Kang Muli, noong Lunes, February 22, kinuha ng PEP ang kanyang reaksiyon sa pagkakaroon ng bagong kasintahan ni Jake.

Pahayag ng Kapuso teen actress, “It’s been a year.

“Kumbaga, meron na kaming separate past. Meron na kaming different roads na tinatahak ngayon.

“So, let’s just be happy for him and I’m happy for him kung masaya siya.

“Siguro ano na lang, hindi naman kailangang pag-usapan.

“Yun nga, different roads na ang tinatahak namin ngayon.”

Hindi ba siya nagseselos?

Sagot ni Bea, “Wala po, hindi, kasi tanggap na, e.

“Kumbaga, okey na, different roads na, wala na.”

Noong debut pa raw niya ang huling pagkikita nila ni Jake, at nagpasalamat naman si Bea na nagpunta ang ex-boyfriend.

Sabi pa ng 18-year-old actress, “Pero hindi rin naman po kasi kami nagkikita palagi. Magkaiba ng show.

“Wala nang SAS [Sunday All Stars], so hindi na kami nagkikita.”

Masaya ba siya para kay Jake?

“Yes, I’m happy for him,” sagot ni Bea. -- For more showbiz news, visit PEP.ph