Megan Young reveals fear of flying after Haiti incident

Ikinuwento ni Miss World 2013 Megan Young ang pagkakaroon niya ng phobia sa pagsakay sa eroplano dahil sa traumatic experience niya nang bisitahin nila ni Miss World Chairman Julia Morley ang isang orphanage sa Haiti noong October 31, 2013.

Nag-collapse ang second floor ng isang temporary building na kinatatayuan nina Megan at Julia dahil sa orphaned children na excited na sumugod sa kanila nang makita sila.

Himala na hindi nasaktan o nagkaroon ng galos sa katawan si Megan sa freak accident na nangyari, pero badly injured si Morley at ang isang bata.

Read: Miss World Megan Young sustains minor injury in accident in Haiti

Nag-iwan ng trauma kay Megan ang insidente kaya naging maingat na siya.

Lahad niya, “Nagkaroon ako ng fear of flying after ng Haiti incident kasi hanggang ngayon, takot ako sa turbulence, as in naiiyak ako kapag may turbulence.

“'Di ba, 'yung Haiti incident namin, nanginig 'yung platform tapos nahulog kami.

“So, for me, 'yung mga nagse-shake, kahit sa stage, kapag alam kong hindi masyadong stable, bumababa na ako.

“Sobrang ingat na ingat ako.”

Natutulog daw si Megan sa tuwing sumasakay siya sa eroplano para hindi niya maramdaman ang turbulence.

Nakausap ng PEP.ph (Philippine Entertainment Portal) si Megan sa grand presscon ng Alyas Robin Hood ng GMA Network kahapon, September 11. —PEP

For more showbiz stories, visit PEP.