James at Bimby, masayang nagkita

Published June 18, 2015 12:48pm

Ilang araw matapos ihayag ni Kris Aquino na may tampo ang anak na si Bimby sa amang si James Yap, nagkita ang mag-ama at masayang kumain sa labas.

Sa posts nina James at Kris sa kanilang Instagram accounts, makikitang nakayakap ang bata sa kanyang amang basketbolista.

_{Mula sa Instagram accounts nina James Yap at Kris Aquino}

Ayon sa PEP, mukhang naayos na ang tampuhan sa pagitan ng mag-ama. "Nagkasama na kasi ang dalawa ngayong araw, June 17, para sa isang advance Father’s Day bonding."

Unang ibinahagi ni James sa kanyang Instagram account ang larawan nilang mag-ama na tila naglalaro habang nagmi-merienda.

Sabi ni James sa caption: “Advanced father's day bonding with Bimb. #happy #proudpapa”