Samahan ng mga registered nurse tutol sa practical nursing

MANILA – Inihayag ng Philippine Nursing Association (PNA) nitong Martes ang pagtutol sa planong ladderize nursing curriculum ng Commission on Higher Education na mag-i-institutionalize sa practical nursing (PN) programs. Sa panayam, inirekomenda ni PNA national president Leah Primitiva Samaco-Paquiz na magpatupad ng moratorium sa mga kasalukuyang PN programs at magsagawa ng masusing konsultasyon sa mga programa kasama ang mga stakeholders. Sinabi ni Paquiz na tatlong dahilan kaya tinututulan niya na i-institutionalize o gawing permanente ang PN: •Walang local demand o bakanteng posisyon para sa mga practical nurses sa Philippine Health Care Delivery System; •Walang global demand para sa mga foreign-trained practical nurse, tanging sa mga professional nurses lamang; at •Walang lisensyang ibinibigay sa mga PN alinsunod sa Philippine Nursing Act. “We deplore the moves of the government and other sectors to impose upon the nursing profession, critical proposals like PN program that gravely impact our profession already saddled with a host of serious problems that need immediate meaningful intervention," pahayag ni Paquiz. Idinagdag niya na nagkakaroon na ng oversupply ng mga health workers sa bansa kung saan pinakamalaking bilang nito ay mga nurse. “We are convinced that the proposal to introduce the PN may be ill-advised economic strategy that will not lead to the creation of more jobs but to more exploitation by unscrupulous businessmen who will see this as another income opportunity," iginiit niya. Sa ngayon, tinataya ni Paquiz na may 65, 000 registered nurses noong 2007, at inaasahang na madadagdagan pa ito ng 100, 000 sa mga susunod na taon. “This number will be from the 460 nursing schools in the country, many of which will be unemployed. This does not even consider the vast number who do not pass the board exams," paliwanag ng pinuno ng PNA. Kung mayroon man umanong malaking pangangailangan sa ibang bansa para sa mga health workers, sinabi ni Paquiz na ito ay para sa mga professional nurses, at hindi sa mga practical nurses. “Many countries like the USA, Canada, and UK are currently considering adopting a single standardized nursing program. In this view, introducing PN program is a global trend regression and untenable... Institutionalizing PN is a step backward in progress, not forward," pagtatapos ng opisyal. – Fidel Jimenez, GMANews.TV