Police patrol car gipabuthan sa General Santos City

DAVAO CITY, Philippines - Nibusikad ang usa ka explosive device sa patrol car didto sa General Santos City pasado alas-7 sa gabii niadtong Martes. Samtang naglingkod si PO2 Dennis Cahanap sulod sa compound dinhi sa Police Precinct 5, barangay Tambler, ning siyudad, kalit kuno nga mibusikad ang usa ka explosive device sa patrol car. Ang resulta, nabangag ang yuta, nabuslot ang ligid ug pati motor nga tapad sa patrol car naplatan usab og ligid. Maayo na lamang kuno nga wala siya maigo ug walay laing nadamay sa splinter sa explosive device, gawas na lamang sa pinisik sa balas. Wala gayud kuno siya kabantay kung duna bay tawo nga milabay og explosive device tungod mingaw ang palibot. Apan ang hepe niining maong police precinct gipaniguro nga matutukan gayud ang kaso. Daghang anggulo ang ginalantaw karon, ilabi pa nga may pipila ka semana na ang hulgang nadawat sa General Santos City Police nga bombahan ang siyudad. - Testigo