Sinulog fluvial parade posibleng dili madayon

CEBU CITY, Philippines - Tungod sa padayong pagkusog sa hangin ug pagdagko sa mga bawod posibleng dili ipahigayon ang fluvial procession sa imahen sa Sr. Sto. Niño sa moabot nga Sabado sa buntag. Sa biernes hukman sa Sinulog Foundation, Inc. ug sa Philippine Coast Guard kun ihinayon ang fluvial procession o dili. Mitumaw kini nga kabalaka tungod sa padayong pag kusog nga hangin ug pagdagko sa bawod. Kun idayon man gani ang fluvial parade posibleng dili nalang paapilon ang mga gagmay nga mga pump boat. Sukad niadtong Miyerkules, 42 na ka mga sakyanang pangdagat ang nagparehistro. Ubay-ubay hinoon ang giandam nga rescuers tungod sa dagkong mga bawod. Gusto usab sa Coast Guard auxilliary nga kun dunay mahitabo sa dagat dili tugtan ang mga sibiliyan nga motabang pag-rescue. Ila usab irekomendar nga pasul-obon og life jackets ang tanang moapil sa fluvial procession labi na sa mosakay og mga motorbanca. - BAlitang Bisdak