1 patay sa pag-atake sang dengue sa Iloilo

ILOILO CITY, Philippines - Isa sa lima ka mga kabataan sa mag-asawang Gariela kag Veronica Carreon nga gintapikan sang dengue namatay sa Calajunan, Mandurriao. Daw indi na mahibalu-an sang mag-asawa ang himu-on sa ila sitwasyon subong. Lima nila ka kabataan ang gindala sa Western Visayas Medical Center. Ang masubo, ang ikaduha sa ila nga si Verjen Mae, 6, ginbawi-an gid sang kabuhi. Una ini nga gindala sa ospital sang petsa-7 sang Marso bangud nagapalanuka kag mataas ka tama ang hilanat. Ang subang nga si Verjan, 8; Verjen Joy, 4; Gavrella, 2 kag ang isa ka tuig nga si Veauty, padayon subong nga naka-confine sa WVMC. Problema subong sang pamilya bangud kulang sila sa pinansiyal para isustiner sa mga bulong kag laboratory examinations nga kinahanglanon sang apat ka bata. Naga-istar ang pamilya sa kilid sang suba nga sakop sang Anaros village Calajunan, Mandurriao. Walo ka pamalay ang naga-squat sa lugar ang marikot nga palibot bangud sang mga tanum kag ang suba malapit sa ila balay amo ang mahimo gina istaran sang lamok nga nagadala sang dengue virus. - Ratsada