Gordon may ibang bersyon sa pagsingil ng 'buwis' sa text

MANILA – Naniniwala si Sen. Richard Gordon na matutugunan ng panukalang “text–for-change" ang malaking problema ng pamahalaan sa pangangalaga ng kalusugan ng mga estudyante sa elementarya sa bansa. Sinabi ng senador na ang malilikom na pondo sa ‘text-for-change’ ay magagamit sa mga programa upang tugunan ang problema ng kabataan sa malnutrisyon ng mga grade school pupils. “Millions of school children are afflicted with preventable and treatable but potentially fatal diseases, making most of them miss out on school days. Worse is that many of them do not eat enough of the right food they need," paliwanag ng mambabatas. “Our pupils need not only quality education but also health and nutrition programs to ensure that they will perform well in school because they are properly nourished and physically fit," idinagdag ng senador. Una rito, inihayag ni Education Secretary Jesli Lapus na umaabot sa 16 porsyento ng estudyante sa mga public schools ang undernourished na pangunahing sanhi ng kanilang pagliban sa klase. Upang tugunan ang naturang problema, naglunsad ang DepEd ng supplementary feeding programs na ang layunin ay paunlarin ang nutritional status ng kabataan at mapataas ang retention rate. Tumatagal ang programa ng anim na buwan para sa kindergarten, grade I at grade 2 students. “The inadequate fund for feeding programs is just part of a bigger problem. We also have to address the lack of school clinics and clean comfort rooms and the shortage in health manpower," ayon kay Gordon, chairman ng Senate committee on government corporations and public enterprise. Sa ilalim ng Health and Education Acceleration Program bill, isang korporasyon ang itatayo upang pangasiwaan ang pondo na kukunin sa telecommunications companies mula sa maliit na porsiyento ng net revenues sa text messages tinatayang umaabot sa dalawang bilyon bawat araw. Sa datos ng pamahalaan tungkol sa kalagayan ng edukasyon, sinabing kailangan pa ang karagdagang 12,000 silid-aralan, apat na milyong upuan, 63 milyong textbooks, 39,000 guro at 8,000 principal. Sa kalusugan naman, dumadanas ng iodine deficiency ang maraming kabataan na may edad na 6-12 taong gulang (11.4%), iron deficiency anemia, 37.4%; Vitamin A deficiency, 36%; worm infestation, 67%; at dental caries, 97%. Lumilitaw din na mayroon lamang isang medical officer para sa 80,000 estudyante, isang school dentist para sa 20,000 estudyante, at isang school nurse para sa 5,000 estudyante. “With this HEAP measure, we can resolve all the problems in our educational and health care system. If we effectively implement this program, in five years’ time there would be a big improvement in the quality of our country’s education," ayon kay Gordon. -GMANews.TV