‘Sex video’ scandal: Hayden Kho nagsalita na

MANILA – Nagsalita na nitong Huwebes ang kontrobersiyal na cosmetic surgeon na si Dr. Hayden Kho kaugnay sa kumakalat niyang sex video kasama ang ilang babae kabilang ang aktres na si Katrina Halili. Sa isang pahayag, humingi ng paumanhin si Kho sa pagkalat ng video footage at iginiit na wala siyang pahintulot sa pag-upload nito sa Internet at pagkalat ng mga kopya. “I deplore the fact that without my knowledge and consent, these recordings were uploaded on the Internet, downloaded, reproduced in optical media form, distributed and sold to the public," ayon kay Kho. “I sincerely apologize for the harm it has done to other parties. I must emphasize that there was no malice on my part, or intention to hurt anyone with these recordings," idinagdag niya. Pagkonsulta sa psychologist Inihayag naman ni Dra. Minguita Padilla sa Chika Minute portion ng GMA news 24 Oras nitong Huwebes, na ikinuha umano ni Dra. Vicki Belo ng psychologist ang kasintahan nitong si Hayden mula pa noong Disyembre. Ayon kay entertainment reporter Nelson Canlas, 22 taon nang magkaibigan sina Padilla at Belo. Naging saksi umano si Dra. Padilla sa pag-usbong ng pagmamahalan ng dalawa. Sa kabila nito, sinabi ni Padilla na noon pa man ay hindi na siya pabor sa pakikipagrelasyon ng kaibigan sa batang duktor na si Kho. “I never felt comfortable about their relationship. Not because it is a ‘May-December’ relationship," ayon kay Dra Padilla. “There is something very wrong about it from the very start. I don’t to go on to details. As a friend I warned Vicki about the relationship." Sinabi ni Katrina na hindi niya alam na kinunan umano ni Kho ang maselang eksena nila sa loob ng kuwarto. Inihayag ni Canlas sa kanyang ulat na may posibilidad na hindi stable ang pag-iisip ni Hayden kaya ikinuha ni Belo ng psychologist ang nobyo noong Disyembre. “She got him psychiatric, psychological therapy kasi I believe ‘di ba nung December ba yun (nang) nag-attempt ng suicide si Hayden nang mag-break-up sila for the first time because of Katrina Halili issue came up then," kuwento ni Padilla. “Sinabi naman ni Dra Belo in public na kumuha na siya ng psychologist para kay Hayden, I think admittedly kasi marami siyang problema, psychological problem na inamin na rin niya kay Vicki," idinagdag ni Padilla, na chairperson ng Opinion Bureau ng Philippine Medical Association. Sa kabila ng kontrobersiya, sinabi ni Padilla na bibigyan pa rin ng pagkakataon ng PMA si Hayden na ipagtanggol ang sarili dahil sa petisyon na alisan siya bilang miyembro ng asosasyon. “The official stand of the PMA it that we have to give Hayden Kho due process. We just cant relay just on our reactions, kasi siyempre as a human being, as woman, talaga ang reaksyon mo nakakasuklam ang nangyari. But we have to give the man due process," paliwanag ni Dra. Padilla. Nilinaw din ni Padilla na mula noong Disyembre ay hindi na konektado si Hayden sa klinika ni Dra. Belo. - Fidel Jimenez, GMANews.TV