English-speaking policy sa Tagum City Police gipatuman

Gipatuman sa Tagum City Police Office ang “English speaking" policy sa tanang mga ginsakpan niini. Gipatawag ni Police Supt. Giusseppe Geralde ang tanang mga pulis ubos kaniya alang sa usa ka briefing bahin sa maong polisiya. Nakurat ang mga crew sa GMA News sa English speaking policy. Gani, pulos English na gyud ug wala nay sagol nga binisaya ang pakighinabi sa mga pulis sa Testigo. Dili basta kay simple nga instruction ang pagpa-English, naka memo kini sa tanang police personnel. Makapaningkamot kuno ang police sa pagpatarong sa ilang sinulatan sa grammar ug sa pagpakig-atubang sa mga langyaw. Busa hagit kini kanila. - Testigo