Photo Exhibit sa mga photojournalists gipahigayon

Mga managlahing isyu sa katilingban ang gipakita pinaagi sa managlahing hulagway. Kini maoy gi-display karon sa gipahigayong traveling photo exhibit sulod sa SM City Davao nga giuluhang “Asian News in Pictures." Unom ka mga photo essay, 42 ka mga hulagway ingon man 25 ka mga single pictures ang gi-montar sa maong photo exhibit. Matag hulagway may mga sulirang buot ipadangat ngadto sa publiko aron mahatagan ug kasulbaran. Pipila sa mga isyu nga nakasalamin may kalabutan sa kawad-on, insurhensiya, kagutom, inhustisya, korapsyon ingon man sayo nga kaminyuon. “The purpose of Asian News in Pictures is to bring awareness to issues and important socio-political events in the Asian region," matud ni Violet Valdez. Executive director sa Asian Center for Journalism (ACFJ) sa Ateneo de Manila University. Samtang gipunting usab sa ACFJ kung unsa kamahinungdanun ang papel nga gihuptan sa mga photojournalists sa katilingban. “We get to attract people’s attention to the news when there is something visualized," dugang ni Valdez, Pipila sa mga hulagway nga naka-display dinhi kuha sa atong mga kapusong Dabawenyo kinsa nakabaton ug scholarship program sa photo journalism ubos sa ACFJ. Busa gawas sa maong traveling photo exhibit, gi-awhag usab sa ACFJ ang bisan kinsang interesado nga buot maka-angkon ug libreng scholarship program sa natad sa press photography nga mamahimong mu-apply sa maong institusyon.