Bus driver nga nakabangga patay sa kauluhan, misurrender sa Davao City

DAVAO CITY--- Kauban ni Daniel Espinosa ang police escort nga si Police Senior Inspector Leonardo Pamplona ug igsoon nga si Nenita, milupad na ang gisakyang eroplano padulong sa kauluhan, si Espinosa, ang bus driver nga nakabangga sa up professor ug journalist nga si Chit Estella-Simbulan. Nangayo kini ug pasaylo ug gibarugang aksidente lamang kuno ang nahitabo ug wala niya gituyo. Huwebes sa gabii, naabot sa dakbayan ang asawa niini nga si Jinky ug Biyernes sa buntag, human sa pipila ka adlaw, nagkita na ang magtiayon sa buhatan sa investigation section sa Davao City Police Office. Ug si Jinky, mianhi lamang aron siguraduhong anaa sa maayo nga kahimtang ang iyang bana. Ang iya lamang kuno, wala na lang untay reward sa pagdakop sa iyang bana. “Tanggap ko na makukulong siya kasi kasalanan naman talga ‘yon pero yon lagyan ng patong, yon ang di ko matanggap. Ang sakit, di naman criminal ang asawa ko. Aksidente ang nangyari, bakit pa papatungan ng ganun?", saysay kini ni Jinky, ang asawa ni Espinosa. Si Jinky samot nasubo tungod wala kini nakadungan og pauli sa kauluhan sa iyang bana tungod wala kiniy kwarta pamasahe. Naghulat na lamang kini nga mahatagan og hinabang. Hinuon nagpasalamat kini kay Vice Mayor Rodrigo Duterte sa tabang niini sa iyang bana ilabi na sa paghatag og abogado. Dawat na kuno ni Jinky ang nahitabo apan maglisod gayod kuno siya og buhi sa iyang upat ka mga anak ilabi na nga wala na siyay kaabag sa pagbuhi sa mga bata. “Iyon nga ang masakit, ano lang naman ang magagawa ko, isang kasambahay. Paano ko bubuhayin ang apat kong anak?", saysay kini ni Jinky apan paningkamutan kuno niya nga mabuhat ang responsibilidad ngadto sa iyang mga anak. Ang usa niini ka anak nga si Mark Daniel, npulo ka tuig na dinhe sa dakbayan. Gibilin kini sa magtiayon tungod sa kapobrehon ug adlawng Biyernes lamang silang kabanay nagkita busa wala napugngan nga mamahimong emosyonal ang sitwasyon. Si Espinosa, gitambagan ang anak nga magtarong ug dili magbarkada aron mamaayo kuno ang kahimtang sa kiabuhi. Sa paglakaw ni Espinosa padulong airpot, gitunulan niini og kwarta ang anak ug asawa niini, human, migakos dayon lakaw na.