Sen Santiago nagtaray sa pagdinig ng CA; pinuno ng DFA, DAR, kinumpirma

MANILA – Muling nasilayan nitong Martes ang pagtataray ni Senador Miriam Defensor-Santiago sa pagdinig ng Commission on Appointments kung saan nakasalang ang kumpirmasyon ng mga pinuno ng Department of Foreign Affairs at Department of Agrarian Reform. Nakatikim ng pananalita mula kay Sen Santiago si Chung Hing Wong (kilala rin bilang Joseph Wong), na dumalo sa pagdinig ng CA upang harangin ang kumpirmasyon ni DFA Sec Albert del Rosario. Ngunit bukod sa hindi maunawaan ang salita ni Wong, ikinairita rin ni Santiago ang kawalan umano nito ng dalang katibayan para patunayan ang alegasyon na may kinakaharap na kaso si del Rosario. "You offend me some more I'm gonna kick you out... your grammar is offensive to the chairperson," reklamo ni Santiago kay Wong.
For the latest Philippine news stories and videos, visit GMANews.TV Pero nang hindi maipakita ni Wong ang katibayan na magpapatunay na may kinakaharap na kasong syndicated estafa si Del Rosario sa Department of Justice (DOJ), lalong nag-init ang senador. "(He has) no evidence to prove that he (Del Rosario) has any personal criminal liability with respect to what appears to have been irregularities (in the transaction)," pahayag ni Santiago sa mga kasamahan sa CA. "Ang lakas naman ng loob mo pumunta dito... ano ka ba, abogado ka ba," tanong ni Santiago kay Wong, na nagsabing biktima umano siya. "I know pero sana nagsama ka ng abogado, alam mo ang panahon namin dito ay gipit na gipit. Lahat kami naka-Amerikana at handang-handang magtrabaho," banat ng senador. “Ang lakas ng loob mo... that is contemptous kasi binabastos mo kami dito. Kasunod nito ay inatasan ni Santiago ang security personnel ng Senado na palabasin na si Wong. Bukod kay Del Rosario, inaprubahan ang kumpirmasyon ni Sec Virgilio delos Reyes ng DAR, at 21 embahador ng Pilipinas at 39 opisyal ng DFA. Samantala, pansamantalang ipinagpaliban ang pag-aapruba nominasyon ni Comelec Chairman Sixto Brillantes. Nakumpirma rin ng CA ang nominasyon bilang mga opisyal ng DFA sina Belen F. Anota, Victoria S. Bataclan, Virgnian H. Benavidez, Enrique A. Manalo, Bayani S. Mercado, Lourdes G, Morales, Cristina G. Ortega, George B. Reyes, Marilyn J. Alarilla, Generoso D.G. Calonge, Leslie B. Gatan, Leslie J. Baja, Eleanor L. Jaucian, Joselito A. Jimeno, at Jose Eduardo E. Malaya III. Kasama rin sina Meynardo L.B Montealegre, Ma. Cleofe R. Natividad, Maria Rosario C. Aguinaldo, Edgardo R. Manuel, at Ramoncito S. Marino, Benito B. Valeriano, Petronila P. Garcia, Julius D. Torres, Jocelyn S,. Batoon-Garcia, Ma. Zeneida A. Collimson, Bayani V. Mangibin, Ma. Corazon Yap-Bahjin, Libran N. Cabactulan, Minda C. Cruz , Jose Arthur P. Ampeso; Virgilio A. Reyes Jr., Olviia V. Palala, Noel Eugene Eusebio M. Servigon, Antonio A. Morales, Narciso T. Castaneda, Jesus S. Domingo, at Cesar G. Orcine. Nakalusot din sina Junever M. Mahilum-West, Joseph Gerard B. Angeles, Jjose R. Burgos, Celia Anna M. Feria, Eduardo Jose A. De Vega, Ramond R. Balatbat, Christine Queenie C. Mangumay; Armando L. Comia, Angelica C. Escalona, Paul Vincent L. Uy, Hensy S. Bensurto Jr., Lourdes S. Tabamo, Uriel Norman R. Garibay, Adrian Bernie C. Candolada, Pete Raymond V. Delfin, Melchor P. Lalunio Jr., Kristine Leilani R. Salle,. Angelo V. Amonoy, Noel M. Novincio, Myca Magnolia M. Fisher, Val Simon T. Roque at Arman R. Talbo. – GMA News