Lalaking iniwan daw ng misis, nagpasagasa sa tren ng LRT 2

MANILA – Naantala ang operasyon ng Light Rail Transit 2 nang biglang tumalon sa riles ang isang lalaki habang may paparating na tren nitong Sabado ng umaga. Sa ulat ng GMA News TV’s Balitanghali, sinabing nangyari ang insidente sa Cubao Station ng LRT 2.
For the latest Philippine news stories and videos, visit GMANews.TV Sa impormasyong ibinigay ng pamunuan n LRT, pumailalim ang lalaki sa tren at naputol ang kamay nito. Isinugod siya sa Quirino Hospital at pagkatapos ay inilipat sa East Avenue Medical Center. Lumitaw sa imbestigasyon ng pulisya na iniwan umano ng asawa ang lalaki kaya nagtangka itong magpakamatay. Patuloy na inoobserbahan ang kanyang kalagayan sa ospital. - FRJ, GMA News