PNoy, nanindigan para sa responsible parenthood

Katulad noong huling pagbisita niya sa Estados Unidos, muling ipinahayag ni Pangulong Benigno Simeon Aquino III nitong Miyerkules (Martes sa US) sa New York ang kanyang pagsang-ayon sa responsible parenthood (RP). Sa kabila ng panggigipit ng Simbahang Katoliko, ipinahayag ni Aquino, na isa ring Katoliko, ang kanyang pagnanais na ihiwalay ang kanyang sariling paniniwala sa paggawa ng mga batas para sa kanyang administrasyon. Sa talakayan ng Asia Society, inamin ni Aquino na kinakailangang ilayo ang mga tradisyonal na paniniwala ng simbahan sa paggawa ng mga batas. Aniya, “We have our own personal religious beliefs, but we have to separate those actions of the state and those actions of the Church." Naniniwala si Aquino na makatutulong ang bill na ito upang mapabuti ang buhay ng mga Pilipino, lalo na ang mahihirap. "Should I attempt to mimic an ostrich that buries the head in the sand when I’ll be asked by God at some point in time, what did you do to the least of my brethren?" "I will be able to say that we stopped the condition where nobody seemed to care enough to educate them and empower them to effect their own decisions," pahayag ng pangulo. Panggigipit ng Simbahang Katoliko Sa kanyang huling pagbisita sa US, nakaranas ang pangulo ng ilang panggigipit mula sa Simbahan dahil sa naging pahayag niyang pagsuporta sa RH bill. Sa isang pagtitipon ng mga Pilipino sa San Francisco, ipinahayag ni Aquino ang kanyang paniniwala na ang bawat mamamayan ay mayroong kalayaang magdesisyon para sa sarili ngunit kaakibat din nito ang responsibilidad. Ngunit, aniya, sa kabila kalayaang ito, trabaho ng gobyernong tulungan ang mga taong nangangailangan. Sa sinusulong na RH bill, kabilang ang paggamit ng artificial at natural family planning. Natural family planning lamang ang tanggap ng Simbahang Katoliko. Ayon kay Aquino, hindi layunin ng kanyang administrasyon ang paglilimita ng mga anak. “We do not agree that we should force anybody to do any act – because that I think is contradictory to the fundamental beliefs we have, democracy is a nation of choice," paliwanag niya. Nilinaw ng pangulo na layunin ng administrasyon ang pagbibigay edukasyon sa mga mamamayan, lalo na ang mga magulang, sa kanilang responsibilidad sa kanilang mga anak at hindi ito dahil sa pagnanais nilang magkaroon ng population control. “That’s why we call the version of the bill responsible parenthood," aniya. “You’re parents, you’re supposed to take care of your children, you’re supposed to think of them at a point in time when they are not capable of doing the same for themselves." Ayon kay Aquino, trabaho ng gobyernong ipaalala na responsibilidad ng bawat magulang ang kanilang mga anak. “Now we will help them, after education, we will rest on their consciences and their beliefs and enable them to act on their decisions as to how best to plan their prospective families and exercise responsible parenthood," patuloy ng pangulo. Pahayag ng Simbahan Sa kabilang banda, patuloy na pinapahayag ng mga opisyal ng Simbahang Katoliko ang kanilang hindi pagsang-ayon sa RH at RP bills. Sa isang pastoral letter mula sa Catholic Bishops Conference of the Philippines (CBCP), kanilang pinahayag na, “Before us are several versions of a proposed bill, the Reproductive Health bill or sanitized as a Responsible Parenthood bill. This proposed bill in all its versions calls us to make a moral choice: to choose life or to choose death." "Human life is the most sacred physical gift with which God, the author of life, endows a human being. Placing artificial obstacles to prevent human life from being formed and being born most certainly contradicts this fundamental truth of human life," anang CBCP. Ayon pa sa grupo, "Advocates also say that the RH bill is necessary to stop overpopulation and to escape from poverty. "Our own government statistical office has concluded that there is no overpopulation in the Philippines but only the over-concentration of population in a number of urban centers." Protesta laban sa RH bill Upang maipahayag ang kanilang paniniwala, nagsagawa ng protesta ang ilang grupo ng Simbahang Katoliko laban sa kontrobersyal na RH bill. Hindi lamang sa Pilipinas nagaganap ang mga protestang ito, kun’di kasama rin ang ibang bansa sa mundo. Noong unang bahagi ng buwan, pinahayag ng CBCP na may ilang mga Filipino chaplains sa Europe, Middle East at Africa na laban sa nasabing panukala sapagkat pinaniniwalaan nilang “unfit for passage," ayon sa opisyal na pahayag ng mga chaplains. “We, shepherds to the Filipino faithful, declare the Reproductive Health Bill 4244 unfit for passage, and with the fullness of conviction we are determined to inform, educate and mobilize our constituents in Europe, the Middle East and Africa to uphold our cherished values through the rejection of this bill," dagdag nila. Ang pahayag na iyon ay naunang naipahayag noong Filipino chaplains’ IX Regional Consultation Meeting for the Filipino Ministry na ginanap sa Adliswil, Zurich, Switzerland. — AF/RSJ, GMA News