NFA, pinaghinay-hinay sa pag-angkat ng bigas

MANILA – Pinaghihinay-hinay ng Senate committee on agriculture and food ang National Food Authority (NFA) tungkol sa plano nitong pag-angkat ng 500,000 metriko toneladang bigas sa Nobyembre. Sa pahayag nitong Huwebes, sinabi ni Sen. Francis Pangilinan na kailangang balansehin ng NFA ang pangangailangan sa pagtiyak sa suplay ng pagkain at ang kapakanan ng mga lokal na magsasaka na tiyak na maaapektuhan kapag bumaha muli sa merkado ng mga imported rice. Partikular na inaalala ng senador ang mga magsasaka na labis na napinsala ng nakalipas na mga bagyo. “In the past government was heavily addicted to rice imports. Going back to this addiction is the wrong way to go," ayon kay Pangilinan, pinuno ng komite. "We trust that President Aquino has sufficient information regarding the state of our rice supply to decide against additional rice imports for 2011. While importing rice ensures we have an adequate and steady supply of the commodity, it has also a direct impact on the price of rice in the local market should the supply be more than sufficient," dagdag pa niya. Ipinaalala ng mambabatas na magiging doble ang dagok sa mga napinsalang magsasaka ng bagyo kapag dumagsa ang mga imported rice na tiyak na makakaapekto sa halaga ng kanilang mga produkto. Iginiit niya na hindi nararapat na magkaroon ng sobrang suplay ng bigas gayung magugutom naman ang mga magsasaka sa lalawigan. "Too much rice is a disincentive for farmers to plant more rice when the farmgate prices are low. We do not want to add to the suffering of our farmers by flooding the market with rice imports. In order to protect the welfare of our local farmers, the importation of rice must be done only when it is absolutely necessary and in amounts that will not flood the markets. We cannot afford to go back to the days wherein we were swimming in rice as it hurts our local farmers," paliwanag ni Pangilinan. - GMA News