Economic managers ni PNoy, dapat daw palitan dahil sa mahinang ekonomiya

MANILA – Dapat na raw palitan ni Pangulong Benigno “Noynoy" Aquino III ang kanyang economic managers dahil sa patuloy na paghina ng ekonomiya ng bansa. Sa panayam ng mga mamamahayag nitong Miyerkules, sinabi nina House Deputy Minority Leader Rep. Danilo Suarez at Zambales Rep. Ma. Milagros Magsaysay, na patuloy ang pagdami ng mahihirap at walang trabaho sa bansa na magiging dahilan ng pagtaas ng krimen. “So, it’s really a wake-up call to the economic team of the administration to make their heads together and come up with some positive action," ani Suarez. Dagdag naman ni Magsaysay: “I don’t think we are expecting a better picture next year. So if I were P-Noy, well it’s an unsolicited advice, I would rather look closely into my economic managers and see because 18 months in office is already enough indication whether your team is okay or not in trying to help your programs and projects. So if I were PNoy, if he really wants to succeed, he should look for other talents." Sinabi ni Suarez na seryosong usapin ang mahinang paggalaw ng ekonomiya dahil lalong napag-iiwanan ang Pilipinas ng mga kalapit na bansang Indonesia, Vietnam, Singapore, Malaysia at maging Thailand. Ang paghina ng ekonomiya ay isinisisi ni Suarez sa pagbagsak ng export, mahinang paggastos ng gobyerno at hindi rin magandang galaw ng stock market. Ang bahagyang pag-angat sa ekonomiya ay sinasabing naganap sa huling bahagi ng taon bunga naman ng mga ipinapadalang dollar remittances ng mga overseas Filipino workers. Ayon kay Suarez, hanggang nitong Setyembre, ang growth in gross domestic product (GDP) ng bansa naitala sa 3.2 percent, lubhang malayo sa 7.3 percent na naitala noong 2010. Samantala, ang mga kalapit na bansa sa Asya gaya ng Malaysia ay nagtala ng 6.5 percent growth; 6.1 percent sa Vietnam; 6.1 percent sa Singapore; 5.8 percent sa Malaysia, at 3.5 percent ang Thailand. Kasabay nito, iginiit ni Magsaysay na kailangan ding repasuhin ang sahod at benepisyon matapos lumabas naman sa isang survey na ginawa ng Regus na 31 percent ng mga Pinoy ay “overworked." "While this all sounds good on paper, we should also take into consideration what the impacts of these long workdays could mean for our labor force and what motivates them to extend their working hours beyond the reasonable point on a regular basis. Could it be that they need to do overtime because of their low wages in order to support their expenses, which are further compounded by consistent rounds of increases in the prices of goods and commodities?" anang kongresista. - GMA News