Mga lolo, lola nakadawat ug pinaskuhan pinaagi sa Facebook

DAVAO CITY  — Gisugdan sa usa ka Bea Uy ang panawagan sa social networking site nga Facebook alang sa mga regalo nga ihatag ngadto sa mga lolo ug lola nga giamuma sa Home for the Elderly sa Buhangin ning dakbayan. Ug tungod sa kadaghan sa nitubag sa panawagan, daghan ang naipong mga gamit ug ubang donasyon si Uy. Busa Nov. 30, gihatud dayon ang mga regalo alang sa 20 ka lolo ug lola didto sa home for the elederly. Hilabihang kalipay ang gipakita sa mga tigulang dihang nadawat nila ang sayo nga pinaskuhan. — GMA News Davao