2 ka priso sa Calinan Police Station, nakaikyas

DAVAO CITY — Gigabas ang mga bakal nga rehas sa duha ka piniriso hinungdan nga nakaikyas kini gikan sa Calinan Police Station niadtong Nobyembre 30. Ang duha nga mipuga mao sila Ricgen Baniqued nga dunay kasong illegal possession of prohibited drugs ug ang ig-agaw niining si Jaymart Pader nga dunay kasong robbery. Padayon karon ang manhunt operation sa kapulisan batok sa duha. Samtang imbestigahan usab ang mga personahe sa maong police station nganong nakasulod ang gabas sa prisohan. “So far, on going pa yung operation naming sa possible arrest ng dalawang nakatakas na priso. Nanawagan kami sa mga nakakilala sa kanila na tumulong sa effort naming”, panawagan ni Police Insp. Jack Tilcag, Deputy Station Commander sa Calinan Police Station. — Real Sorroche, GMA Davao