Palasyo, pinuri ang PNP sa mapayapang prusisyon ng Itim na Nazareno

Pinuri ng Malacañang nitong Martes ang Philippine National Police at iba pang ahensya ng gobyerno sa pananatili nito ng kapayapaan sa pagdiriwang ng pyesta ng Itim na Nazareno noong Lunes.

 

Sa isang press statement, inihayag ni Executive Secretary Paquito Ochoa na hiniling ng Pangulo na maging vigilant ang mga pulis dahil sa mga terror threats na kanilang hiniharap.

 

"The PNP, in particular, should be lauded for taking all the precautions necessary to secure the safety of the three million devotees who joined the procession that took the Black Nazarene through the streets of Manila to Quiapo Church," aniya.

 

Nitong Linggo, ibinunyag ni Aquino ang impormasyong kanyang natanggap sa posibleng pagsalakay ng grupo ng terorista sa pagdiriwang. Nakatanggap din umano ang Quiapo Church ng parehong impormasyon.

 

Ayon kay Ochoa, pinapahalagahan umano ng gobyerno ang seguridad ng publiko.

 

“(The government) will take the steps necessary to address such threats to keep our citizens out of harm’s way and ensure that Filipinos everywhere can continue to practice their faith as well as perform their everyday activities,” aniya.

 

Tumagal ng 22 oras ang prusisyon na nagtapos nitong Martes ng umaga.Naka-alis ito ng Quirino Grandstand nitong 8 a.m. ng Lunes. — Amanda Fernandez/RSJ, GMA News