Buhawi, tumama sa Bacolod City

Isang buhawi ang tumama sa Bacolod City nitong Huwebes ng tanghali na lubhang ikinatakot ng mga tagarito. Ayon kay YouScooper Ronald Ian Evidente, nakasakay siya sa jeep nang masaksihan niya ang unti-unting pagbuo ng buhawi sa hindi kalayuan.

Kwento niya, pinahinto muna nila ang sinasakyang jeep upang maiwasan ang panganib. Nang makarating sila sa North Drive, Bacolod City, nakita nila ang pinsalang idinulot ng buhawi.   "Mga puno halos matumba, natamaan mga sari sari store. May dalawang kotseng nagbanggaan, mga employees ng bangko sa terminal nasa labas, nagka-traffic dahil naging 'di passable ang daanan," ani Evidente. – KBK, GMA News