'No permit, no exam' rule, mananatili — Catholic schools

Sa gitna ng pagpatutupad ng K-12 basic education program, pananatalihin ng mga pribadong Katolikong paaralan ang polisiyang  "no permit, no exam." Ayon sa Catholic Educational Association of the Philippines (CEAP), nais ng 1,345 na mga miyembro nito na panatalihin ang polisiya habang pinag-uusapan ang panukalang naglalayong ipagbawal ito. “If the policy includes mid-term examinations, as the proposed bill suggests, private schools solely relying on tuition and school fees will find it difficult to manage their finances," ayon kay CEAP executive director Rhodora Angela Ferrer sa isang artikulo sa news site ng Catholic Bishops' Conference of the Philippines (CBCP). Dagdag pa niya, sapat na ang polisiya sa Manual of Regulations na nagbabawal sa mga paaralan sa hindi pagbigay ng examination sa mga mag-aaral na hindi pa nakapagbabayad.  Patas lamang umano ito, kapwa sa mga mag-aaral at sa mga paaralan. Sa kasalakuyan, may alituntunin ng ilang mga paaralan na dapat bayaran muna ang unpaid accounts bago payagang kumuha ng preliminary, mid-term at final examinations ang mga mag-aaral. Iginiit din ni Ferrer na dapat iwasan ng gobyerno ang "pag-over-regulate" sa mga pribadong paaralan, lalo na sa fiscal management nito sapagkat ang mga Katolikong paaralan ay non-stock at non-profit educational establishments. “Parents are assured that all fees paid are used for school operations... and with the strong sense of mission of Catholic schools, parents get their money’s worth in terms of quality education for their children,” aniya. Maling paniniwala Ayon kay Ferrer, hindi umanong sumisingil ng mataas na tuition at ibang bayarin ang mga pribadong paaralan, lalo na ang mga kinilala ng CEAP. “Some Catholic schools, especially the mission schools charge very little. But since the public school system is free, it is but logical for parents who are economically burdened to opt to enroll their children in public schools even if they want to avail of Catholic education,” aniya. Ayon sa CBCP, patuloy ang pagbaba ng bilang ng mga nag-e-enroll sa CEAP member schools sa mga nakaraang school year. Samantala, ayon kay Ferrer, walang problema sa enrollment ang mga  malalaking pribadong paaralan dahil hindi nakararanas ng financial instability ang kanilang mga mag-aaral. Sa kabila nito, nakararanas din naman umano ng problema ang ilang Katolikong paaralan. “One concern that has always been raised in private schools is the low salaries of teachers. Private schools teachers, in general, are paid lower than public school teachers. This results in the migration of teachers from private schools to public schools,” aniya. Samantala, may kaunting transisyon din na dadaanan ang mga Catholic school sa pagpatutupad ng K-12 curriculum. “The K-12 program will be implemented by phases. For this school year, only grades 1 and 7, which is technically year 1 in high school, will have a new curriculum. The rest of the grade levels in basic education will implement the old curriculum,” aniya. Magsisimula ang dagdag na dalawang taon sa senior high school simula 2016, kung saan magsisimula ang grade 11 sa taong 2016. “Of course, the transition to K-12 will not be exactly painless. But CEAP has already articulated its support for this reform initiative in several fora. At this time, we should come together to make this education reform happen,” dagdag pa niya. Bago magsimula ang panibagong akademikong taon, nagsagawa ng K-12 summit ang CEAP sa mga administrator ng mga pribadong paaralan sa Manila, Cebu, Davao, Dagupan at Naga. Matatagpuan sa CEAP website, www.ceap.org.ph, ang ilang curriculum guide at iba pang impormasyon tungkol sa K-12. — Mandy Fernandez /LBG, GMA News