Protesta atol sa Asean pakyas

Pakyas ang laraw sa Kilusang Mangingisda sa Sugbo sa paglusad og fluvial protest aron ipalanong ang ilang mga reklamo atol sa pagpahigayon sa 12th Association of Southeast Asian Nation (Asean) Summit. Nagtapok ang mga membro sa grupo sa Tanke, Talisay ug plano unta nilang mopadayon padong sa kabaybayunan sa Lapu-Lapu City, diin gipahigayon ang summit. Apan gibabagan na sila sa mga sakop sa Philippine Navy (PN) ug wa silay nahimo gawas nalang sa pagpalanog sa ilang kasagmuyo. Hugot nga gipatuman sa mga ginsakpan sa PN ang exclusion zone, nga midili sa mga pumpboat nga kakapaduol sud sa 1000 ka yarda gikan sa kabaybayunan sa Mactan Island. Lakip sa pugngan sa PN ang mga fluvial protest nga maghatag og kakuyaw sa Mactan Channel. Nihimo usab og linawas nga paghulagway sa ilang kalisud ang mga sakop sa usa ka urban poor group sa Sugbo human sa demolisyon sa ilang gipuy-an. –Balitang Bisdak