18 barangay gideklarang hotspots

Gideklara sa Davao provincial police ang 18 ka mga barangay sa Davao del Sur nga mga election hotspot. Base sa police report, 11 sa maong mga barangay ang naa sa Matan-ao, lima sa Digos ug duha sa Don Marcelino. Sa maong mga barangay, gikatahong ubay-ubay na ang election-related violence, hinungdan nga nihangyo si Congressman Douglas Cagas sa mga otoridad nga ideklarang hotspot ang Davao del Sur tali sa nagsingabot nga eleksyon sa Mayo. Subay sa maong deklarasyon, gialerto na sa Davao police ang mga ginsakpan niini ug gidungagan pa ang mga pulis sa giingong mga lugar. -Testigo