Guinness, ibinalik ang world record kay Cassius matapos mamatay si Lolong

Matapos ang pagkamatay ni Lolong, na nahuli sa Pilipinas, "ibinalik" na ng Guinness World Records sa Australian saltwater crocodile ang titulong pinakamalaking nakakulong na buwaya sa buong mundo. Naunang nakamtan ni Cassius ang titulo bago ito mapunta kay Lolong noong 2012. Ayon sa site ng Guinness World Records, isang Australian saltwater crocodile (Crocodylus porosus) si Cassius, at kasalukuyang pinakamalaking nakakulong sa buwaya sa sukat na 5.48 meters, o 17 feet at 11.75 inches. Ayon din nito, ang Australian saltwater crocodile ay “the largest and most fearsome of today's species.” "Specimens can live for more than 100 years, can grow to 7 meters (23 feet) and weigh more than 1 tonne (1.1 ton)!" ayon nito. Dagdag pa nito, tinatayang 100 taong gulang na si Cassius, at hinihinalaang nakakain na ng tao, at ang pinakamalaking buwalayang nahuling buhay sa Australia. "He was brought about 3,200 km (1.988 miles) from Australia’s Northern Territory to Green Island in 1987, by truck," ayon nito. Samantala, si Lolong ay isa ring saltwater crocodile (Crocodylus porosus), na may sukat na 6.17 meters (20.24 feet), na nahuli sa Agusan del Sur sa Mindanao. "He was measured by experienced handlers in his custom built enclosure at Bunawan Eco-Park and Research Centre, Philippines. Lolong's weight was also measured at a nearby truck weigh-bridge and verified as approximately 1,075 kg (2370 lbs)," ayon nito. "The capture of the crocodile came after a two-year effort to remove the animal thought responsible for a young girl's death at Agusan Marsh in early March 2009, and later the disappearance of a fisherman close to Bunawan Village. Lolong is said to be healthy and in very good physical condition following the regulatory three month monitoring period having exceeded whilst living in captivity," dagdag nito. Namatay si Lolong noong Linggo ng gabi sa Bunawan Park. Nitong Martes, sumailalim si Lolong sa necropsy ngunit nabigo nitong tukuyin ang sanhi ng kanyang pagkamatay. — Amanda Fernandez /LBG, GMA News