Annabelle Rama, may mensahe sa nakalabang kongresista sa Cebu

Isang araw matapos ang eleksyon, nagbigay ng mensahe sa pamamagitan ng kanyang Twitter account ang kontrobersyal na talent manager na si Annabelle Rama, na kumandidatong kongresista sa Cebu.   Nitong Martes, Mayo 14, magkakasunod na nag-post ng mensahe si Annabelle na may kaugnayan sa resulta ng eleksiyon kung saan nangunguna ang kanyang nakatunggaling si Raul Del Mar.   Kabilang sa nabanggit ni Annabelle ay ang pagdeklara na muli siyang magbabalik.

11. I shall return. Di pa tapos ang aking adhikain. Serbisyo dili negosyo.

— Annabelle Rama (@annabellerama2) May 14, 2013

10. At ngayon ko nakilala ang mga tunay at tapat na kaibigan na nagsupport sa akin.

— Annabelle Rama (@annabellerama2) May 14, 2013

  Nagpasalamat din siya sa suportang natanggap sa mga mamamayan ng North District ng Cebu City, lugar kung saan siya tumakbong kongresista. Basahin:  Annabelle Rama, namimiligrong mabigo sa unang sabak sa pulitika sa Cebu Sinabi rin ng talent manager na wala siyang pinagsisihan sa anim na buwan niyang paglalakbay sa mundo ng pulitika.   Nagbigay din siya ng mensahe sa nakalabang si Del Mar.

7. To my opponent, congratulations sa iyo. Nakita ko ang kahirapan sa ibat ibang parte ng Cebu North District.

— Annabelle Rama (@annabellerama2) May 14, 2013

8. Sana sila ang unahin mong tulungan. Yung pork barrel gamitin mo sa tama. Maawa ka naman sa kanila.

— Annabelle Rama (@annabellerama2) May 14, 2013 --Mac Macapendeg/FRJ, GMA News