Bahagi ng Palacio del Gobernador, nasunog; Comelec office, 'di apektado

Nasunog Sabado ng tanghali ang isang bahagi ng Palacio del Gobernador sa Itramuros, Manila, kung saan ang ilang bahagi ng gusali ay nagsisilbing head office ng Comelec.

Nagsimula ang sunog bandang 12:13 ng tanghali, ayon sa report ng dzBB. Hindi pa rin tiyak kung ano ang sanhi ng sunog.

Sa isang pahayag, sinabi naman ni Comelec spokesman James Jimenez na hindi apektado ng sunog ang tanggapan Comelec.

“Fire at Palacio del Gobernador was on the sixth floor. Not Comelec, contrary to early fears. The fire has been put out,” ani Jmenez sa Twitter nitong Sabado.

Naapula ang apoy bandang 12:20 pm, ayon kay Manila Fire Department Sebior Fire Officer 1 Raul Angeles. Umabot lamang sa first alarm ang sunog.

Wala ring naibalitang nasaktan sa insidente. — Rouchelle R. Dinglasan /LBG, GMA News