P1B, ilalaan para sa scholarship ng mahihirap

Isang bilyong pisong pondo ang ilalaan mula sa 2014 General Appropriations Act (GAA) kapag naisabatas ang panukalang naglalayong magbigay ng suportang pinansiyal sa mahihirap ngunit "deserving students."

Bagama’t may umiiral ng scholarship programs, limitado lamang ang slots nito.

Sa SB 298, o ang  “An Act Establishing A Student Financial Assistance Program For Students of Economically Disadvantaged Families and Authorizing The Appropriation Of Funds For The Purpose,” target nito ang high school graduates.

Ayon kay Sen. Cynthia Villar, awtor ng panukala, ang educational assistance program ay nakalaan sa mga mag-aaral mula sa mahihirap na pamilya base sa talaan ng National Economic and Development Authority (NEDA).

Ito aniya ay isang economic aid sa halip na merit award.

Tatanggap ng monthly allowance ang benipisaryo ng programa depende sa  gastusin sa isang institusyon, libreng matrikula, book allowance at iba pang  miscellaneous fees.  — Linda Bohol /LBG, GMA News