Abaya, binatikos sa kapalpakan ng MRT; 10 pasahero, nasaktan sa biglang pagpreno ng 3 tren

Kinastigo ng mambabatas si Secretary Joseph Emilio Abaya ng Department of Transportation and Communication (DOTC) dahil sa sunod-sunod na aberya sa Metro Rail Transit (MRT) Line 3 at sa patuloy na mahabang pila ng mga sumasakay dito.

"DOTC Sec. Joseph Abaya should better concentrate more on the pressing problems besetting the MRT-LRT like the endless lines, computer glitches, non-working elevators and escalators, sardine-like coaches, accidents and many more so that our commuters would have a safer and more comfortable way of getting to their workplaces or schools and back home," pahayag ni Bayan Muna Rep. Carlos Zarate.

Pangamba pa ng kongresista, baka sadya umanong pinababayaan ng tanggapan ang mga problema sa naturang uri ng transportasyon para mabigyan katwiran ang matagal ng plano ng pamahalaan na magtaas ng singil sa pamasahe.



"What we fear though is that these unresolved MRT problems are being allowed to happen and deteriorate by the DOTC so that they can later it can justify increasing the current fare. This is 'planned obsolescence' so that they can rake in more profits at the expense of the commuters," dagdag ni Zarate.

Pero kahit tila determinado na umano ang pamahalaan na magtaas ng singil sa pamasahe na ilan taon nang iminumungkahi, sinabi ng kongresista na patuloy nila itong haharangin.

"We will continue to oppose any MRT-LRT fare hike as well as deals that put Filipino taxpayers and commuters at a disadvantage. Mass transits are a public service and should be subsidized by the government. Its main purpose is to provide the public with cheap and
affordable transportation services. We will block any DOTC plan to ram a  fare hike on our hapless consumers," aniya.

Nitong Miyerkules,  10 pasahero ang nasaktan nang biglang tumigil ang tatlong tren ng MRT sa magkakaibang istasyon.

Sa ulat ng GMA News TV's News TV Live, apat na pasahero ang dinala sa Makati Medical Center.

Sinabi ni Makati City Police chief Police Superintendent Manuel Lucban, na nag-emergency break ang operator ng southbound coach ng MRT na malapit sa Ayala station, na naging dahilan ng domino effect sa dalawang tren na patungo sa kaparehas na direksiyon.

Isinisi ng pamunuan ng MRT ang insidente sa operator ng tren.

"At around 10:50 AM today, March 26, the driver of Train No.1, Car No. 14, failed to observe the Red Light Status at the Guadalupe Statioj and accelerated southbound without getting prior clearance from the Control Center," nakasaad sa pahayag ng ahensiya.

"This was clearly a lapse on part of the train driver," ayon sa pahayag.

Hindi tinukoy ang pangalan ng drayber pero anim na buwan pa lang umano ito sa trabaho.
 
Kamakailan lang ay naapektuhan at nilimitahan ang serbisyo ng MRT dahil sa nangyari umanong "glitch." (Basahin: Glitch hits MRT, limits operations)
 
Sa hiwalay na ulat ng GMA News TV's “Unang Balita,” nitong Miyerkules, sinabi ni Abaya na "bugbog" ang operasyon ng MRT kaya nagkakaroon ng mga problema.

“We are wearing it down faster than it should be worn down,” giit ng kalihim.

Sinabi sa ulat na ang original capacity ng MRT ay 350,000 passengers per day pero umaabot sa 560,000 pasahero ang naisasakay nito bawat araw. - RP/FRJ, GMA News