Alamin kung bakit patok sa mga employer ang PUP graduates

Ang mga bagong nagtapos sa Polytechnic University of the Philippine, na itinuturing unibersidad ng masa ang pinakagustong tanggapin ng mahigit 500 kompanya na nakibahagi sa isinagawang survey ng JobStreet.com.

Batay sa resulta ng survey, nahigitan ng PUP ang mga malalaki at sikat na unibersidad tulad ng University of Sto. Tomas, (UST), Ateneo De Manila University (ADMU) at De La Salle University (DLSU) at kapwa state university nito na University of the Philippines.

Sa 551 kompanya na nakibahagi sa survey,  45 percent ang nagsabi na nais nilang kunin ang mga bagong nagtapos sa PUP.

“Respondent-companies state that PUP graduates, in general, are very hard-working, often going the extra mile in their job,” ayon sa pahayag ni JobStreet.com Philippines country manager Philip Gioca.

Dagdag pa nito, nakikita umano ng mga employer na pursigido at hindi madaling sumuko sa kanilang gawain ang PUP graduates.

Maliban kasi sa unibersidad na pinanggalingan, sinabi ni Gioca na hinahanap din ng mga employer ang katangian ng isang aplikante na handang sanayin at matuto.

“Companies need new employees who can easily adapt to their processes and systems, learn their products and services, the dynamics of the industry that they are a part of, and what drives their success," ayon kay Gioca.

Dagdag pa niya, "Primadonnas and newbies who think they don’t need training won’t get hired. Where a fresh graduate got his or her diploma won’t matter as much as his or her eagerness to learn and showing the ability to absorb concepts and apply them in the office setting."

Noong nakaraang taon, nanguna ang UP at pang-lima lang sa naturang listahan ang PUP.  Tabla sa ikatlong puwesto ngayong ng UP ang Ateneo.

Narito ang kompletong listahan ng top schools that matter to employers:

-- FRJ, GMA News