DSWD nanalipod sa juvenile justice act

Gipnalipdan sa Department of Social Welfare and Development ug mga grupo sa children advocates ang Juvenile Justice and Welfare Act. Ilang gipadayag nga dili pa andam ang mga pulis og ang ubang kagamhanang lokal sa pagpatuman sa balaod. Sumala pa, kuwang sila’g [mga otoridad] katakus unsaon pagtagad ang mga menor de edad nga nalambigit sa krimen. Dugang pa nila, way igong kahimanan ang ubang kagamhanang lokal nga kapahilunaan sa mga giilang children in conflict with the law kon CICL. Uyon hinoon ang maong mga grupo nga usbon ang balaod kon mapamatud-an nga misaka ang kaso nga naglambigit sa mga menor de edad. Apan gihagit nila ang mga pulis nga gukdon ang mga sindikatong migamit sa mga menor de edad sa ilegal nga kalihukan inay pahamtangan sila sa bug-at nga silot. Upat ka mga hinungdan sa posibling pagkalambigit sa mga menor de edad sa krimen: Una ang suliran sa ilang banay, katilingban diin ang bata nanimuyo, mga barkada ug tunghaan. - Balitang Bisdak