Composite sketch ng suspek sa Davao City night market bombing, inilabas ng PNP

Inilabas ng Philippine National Police nitong Miyerkules ang composite sketch ng umano'y lalaking kasangkot sa pambobomba sa Roxas night market sa Davao City noong Biyernes ng gabi na ikinasawi ng 14 katao at ikinasugat ng mahigit 60 iba pa.

Ayon kay Police Chief Insp. Andrea Dela Cerna, Public Information Officer (PIO) ng PNP- Region 11, nakasuot ng bonnet at face mask ang suspek nang makita sa lugar bago maganap ang pagsabog.

Composite sketch ng suspek sa pagpapasabog sa Davao City, inilabas na ng @CIDG_PNP. | via @mamutuesday pic.twitter.com/ShaaEbH8wE

— DZBB Super Radyo (@dzbb) September 7, 2016

Positibo umanong itinuro ng mga saksi ang suspek na hindi raw inalis ang maskara habang nagpapamasahe.

Ayon pa kay Dela Cerna, patuloy din ang imbestigasyon sa mga itinuturing "persons of interest" sa nangyaring pagsabog.

Batay sa imbestigasyon, pinaniniwalang dalawang uri ng mortar bomb na pinagsama ang ginamit bilang improvised explosive device (IED) na pinasabog sa night market.

Reconstructed pre-blast condition and schematic diagram ng IED na ginamit ng mga suspek sa pagpapasabog |via @PTVph pic.twitter.com/4gHdZZTjqc

— DZBB Super Radyo (@dzbb) September 7, 2016

-- FRJ, GMA News