‘Tulisan’ napatay sa beach resort sang Jordan, Guimaras

Napatay ang isa sa duha ka mga ginapati nga tulisan sa Baras Beach Resort sa Lawi, Jordan Guimaras, Huwebes sang gab-i. May plano gid kuno ang duha nga sudlon ang Cottage 3 sang resort diin naka-check in ang mag-asawang turista pasado alas ocho kagab-i samtang nagapanyapon ang mag-asawa. Lipod sa ila ihibalo nakaandam na ang mga tulisan nga mosulod sa cottage. Pero maswerte nga nabatyagan sang gwardiya sang resort nga si Julie Gabayeron sang may naglagpok. Pagkakita sang suspek nga si alias Jepoy una sini nga ginluthang ang gwardiya gamit ang kalibre .38. Naigo sa agtang kag nawala nga abaga si Jepoy tuga sang pugakhang samtang ang upod nga si Antonio Gargue, 37, sang Sinapsapan, Jordan, Guimaras, nga tuyo pa magpalagyo, naigo sa tuhod kag dughan. Gindeklara nga napatay si Jepoy pag-abot sa Guimaras Provincial Hospital samtang si Antonio nagapabilin nga naka-confine. Apisar wala nagtuad sa Ratsada kag Super Radyo sa matuod nga natabo, bug-os ang pagpati ni barangay kapitan Eduardo Gotera nga kabahin ang duha ssa grupo nga nagapangbiktima sang mga turista sa mga island resort sang Guimaras. - Ratsada