Climate change deal, pinirmahan ni Pangulong Duterte

Pinirmahan na rin nitong Miyerkules ni Pangulong Rodrigo Duterte and Paris Agreement on climate change, matapos ang mga binitiwan niyang mga salita tungkol sa kasunduan.

Matatandaang kahit nagpahiwatig ng malakas na suporta sa Paris deal ang buong Gabinete, nagbanta pa rin noon ang Pangulo sa mag-pull out sa kasunduan, at ikinatuwiran na dehado ang mga maliliit na ekonomiya lalo ma sa usapin ng paglimita sa carbon emissions.

"I just hope that the nations that are controlling the interests there, including the money that they will contribute to the common fund — which I think we are not qualified to be in there — ayusin lang nila because 'pag hindi, magwi-withdraw ako. I'll be the first one," pahayag ni Duterte noong nakaraang taon.

Nakahinga naman ng maluwag si Climate Change Commissioner Manny de Guzman pirmahan ni Duterte ang Paris deal.

"I am overjoyed with the President’s ratification of the Paris agreement. The Philippine delegation’s hard work to lobby the 1.5-degree climate goal during the Paris negotiations has finally paid off," pahayag ni De Guzman.

Giit ni De Guzman, ang pagpapatibay ng Paris deal ay katuparan sa ipinangako ng Pangulo sa kanyang first State of the Nation Address.

"This is a clear articulation of his marching orders for the Climate Change Commission in the succeeding months. Not only does this affirm the President’s pronouncement during his first SONA that climate change is a top priority of this administration, but also his advocacy of championing climate justice for the poorest of our poor," pahayag ni De Guzman.

Pinuri naman ni De Guzman si Senadora Loren Legarda sa pagpursige sa pagtutulak sa ratipikasyon ng Paris Agreement.

Inaasahang ipapahatid ng Office of the President ang napirmahang kasunduan sa Senado ngayong Miyerkules ng hapon. — LBG, GMA News