P100 na suhol tinanggihan ng enforcer sa Maynila

Sa kabila ng mga balita tungkol sa mga nangongotong na traffic enforcer, mayroon pa ring mga natitirang tapat sa kanilang tungkulin.

Sa ulat ni Jun Veneracion sa 24 Oras nitong Miyerkoles, makikita sa video ng Manila Traffic and Parking Bureau (MTPB) ang pagtanggi ng isang traffic enforcer sa panunuhol umano ng isang driver ng truck sa kanya nitong nakaraang buwan.

"Hinihingi ko po 'yung lisensya niyo, di ko pa naexplain sa inyo ang violation niyo... nagbabayad nagbibigay po kayo ng P100. Hindi po pwede 'yon, hindi po maganda 'yung ganon," sabi ng traffic enforcer.

Napara raw ang nasabing truck driver dahil sa illegal parking. —Anna Felicia Bajo/NB, GMA News