Enrile kinastigo si Trillanes dahil sa di' preparadong kudeta

Kinastigo ni Senador Juan Ponce Enrile nitong Linggo si Senador Antonio Trillanes dahil sa paglulunsad ng "ill-prepared" at "ill-executed" kudeta laban sa kasalukuyang administrasyon. Ayon kay Enrile, kasama ni dating Pangulong Fidel Ramos sa matagumpay na kudeta noong 1986 laban kay dating Pangulong Ferdinand Marcos, hindi dapat kasuhan si Trillanes ng paglabag sa Human Security Act o anti-terror law dahil hindi siya karapat-dapat na tawaging “terorista." "He (Trillanes) made a fool of himself throughout the land. He wanted to stage a coup d'etat that was ill-prepared, ill-executed and it ended in a disaster and he wanted to save face by saying so many silly things on television," pahayag ni Enrile sa panayam ng dzBB radio. Idinagdag ni Enrile na, "I would not give him the privilege of being called a terrorist under the anti-terror law. It's enough na pareho lang ‘yan, rebellion, mas madaling prove ‘yan." Makukuha umano ni Trillanes ang paghanga ni Enrile kung itinuloy nito ang kanyang mga banta sa pagsakop noong Huwebes sa The Peninsula Manila sa Makati. "I admire the objective kung talagang kaya niya. I would applaud, I would salute him. Kaya sinabi ko noong tinanong ako sabi ko hintayin natin kung may susuporta sa kanya," ayon sa senador. Idinagdag ni Enrile na hindi katanggap-tanggap ang paliwanag ni Trillanes na ang dahilan sa kanyang pagsuko ay ayaw niyang masaktan ang mga inosenteng sibilyan. "I will never waste my time with a foolish person," pahayag nito. Naniniwala rin si Enrile na hindi na kailangang ipasok pa ng awtoridad ang armored personnel carrier sa loob ng hotel. Sapat na umano na putulin lamang ang suplay ng koryente at tubig upang magapi ang grupo ni Trillanes. - GMANews.TV