EAGA Bank sa Davao del Sur sirado na - BSP

Gisirad-an na sa Bangko Sentral ng Pilipinas ang EAGA Bank sa Padada, Davao del Sur tungod kay walay business permit ug lisensya ang bangko gikan sa BSP. Mao kini ang pamahayag sa mga miyembro sa investigation team sa BSP mahitungod sa sitwasyon sa EAGA (East Asian Growth Area) Bank. Gani gipaskil sa mga representante sa BSP ang notice of closure sa atubangan sa bangko alang sa kasayuran sa mga depositor. Gibutyag ni Nonita Sarona, bank officer 2 sa BSP, nga dunay kapin kon kulang P500,000 nga balor sa deposits gikan sa 500 ka mga depositor ang naasoyng bangko. Sa pagkakaron, dili pa kuno mabutyag sa BSP kung mabalik ba gayod sa mga depositor ang ilang kwarta gikan sa bangko o dili na. - Testigo